Почина кралот на модата, Џорџо Армани, на 91 година

Детали

четврток, 04 септември 2025

„Со огромна тага, групацијата Армани објавува дека креаторот, основачот и неуморниот двигател, Џорџо Армани нè напушти“, пишува во соопштението.

Легендарниот моден дизајнер Џорџо Армани почина на 91 година.

Веста за неговата смрт ја потврдија од модната куќа која го носи неговото име.

„Со огромна тага, групацијата Armani објавува дека креаторот, основачот и неуморниот двигател, Џорџо Армани нè напушти“, пишува во соопштението.

Армани беше втор најбогат човек во Италија, веднаш зад наследникот на империјата Nutela, Џовани Ферер.

Тој ја прошири својата модна империја откако во неа вклучи ресторани, луксузни хотели, меѓу кои и хотелот Armani во Бурџ Халифа во Дубаи.

Армани го промени начинот на кој жените се облекуваат за работа и се изразуваат во професионална средина.

Неговите ревии беа раскошни, со впечатливи додатоци и фустани со светки, но секогаш базирани на класични кроеви.

Роден е на 11 јули 1934 година во Пјаченца. Израснал во скромно семејство со родителите Марио и Уго, братот Серџо и сестрата Розана.

Иако немале многу, неговите пријатели им завидувале на облеката што ја правела неговата мајка.

Пред да се посвети на модата, сакал да стане доктор и студирал медицина на Универзитетот во Милано, но по три години се откажал од студиите.

Неговата одлука го променила светот и начинот на кој се облекуваат жените, поради што го нарекуваа и крал на модата.

Прво бил организатор на излози во стоковната куќа „Ла Ринашенте“ во Милано, а потоа продавач и соработник во одделот за машка мода.

Својата прва вистинска дизајнерска можност ја доби во шеесеттите години во модната куќа „Нино Черути“.

Кон крајот на шеесеттите години, тој го запозна архитектот Серџо Галеоти, со кого започна долгорочна лична и деловна врска.

Заедно ја основаа модната куќа Armani во 1975 година, а истата година, на 31-годишна возраст, Џорџо ја претстави својата прва машка колекција, заедно со женска линија за пролет/лето 1976 година.

Армани никогаш не се оженил, ниту имал деца.

Тој го посвети целиот свој живот на модата и градењето бренд што стана синоним за елеганција.

Прочитајте и Џорџо Армани е еден од најбогатите луѓе во модниот свет - како заработи 9 милијарди долари?

А. Ј. | Црнобело