Потресни сведоштва од терористичкиот напад во Сиднеј: „Стрелаа и кон деца, беше вистински масакр“

Во видео на The Guardian, зборува и млада девојка која го преживеала масакрот.

„Го гледавме напаѓачот. Всушност, тогаш не знаевме дека е напаѓач. Само претпоставив дека е во такси бидејќи излегуваше од задната страна. И си помислив, па, дека паднал.

Мислев дека има патерици, па ми беше и жал за него. Си помислив кутриот, дечко, паднал и пробува да си ги земе патериците. И, тогаш во раце ја зеде најголемата пушка што сум ја видела.

И, веднаш почна да пука, а тука имаше стотици луѓе. Само отидов кај мојот партнер, Томи, му реков да вози (со мотоциклот), дека има пиштол. Томи веднаш почна да вози, се движевме низ сообраќајот. И сè што можев да мислам е дека ќе ме застрела во грбот“.

Девојката додава дека од мотоциклот на цел глас викала дека има напад со оружје за да ги предупреди другите.

„Луѓето влегуваа во куќи, деца викаа, имаше луѓе насекаде. Си помислив дека ако останевме 10 секунди подоцна, како што стрелаше, бевме на улица, на мотоцикл, буквално на 10 метри од него… можевме и ние да бидеме жртви“.

@guardianaustralia

Witnesses who saw the Bondi shooting unfold firsthand have spoken to Guardian Australia about their experiences. Bridget was on the back of her partner's Vespa when she saw an alleged gunman exit the backseat of a car. “I thought he was picking up crutches and I felt sorry for him,” she said. “And he just picks up the biggest gun I've ever seen and instantly opens fire.” Bridget says there were 'hundreds' of people at Bondi when the incident unfolded. “I just go to my partner Tommy, 'Drive, he's got a gun!',” she says. “All I could think was, I'm going to get shot in the back.” bondi australia news

♬ original sound - Guardian Australia - Guardian Australia

Повторно за The Guardian, друга жена, која била со семејството на плажата, зборува за хоророт што го видела.

Додека нејзиниот тригодишен син бил на игралиште во близина со баба му, таа го здогледала сопругот како трча со нивното помало дете.

Тогаш сфатила дека некој има оружје, а забележала и мало девојче кое плачело.

Бидејќи девојчето било само, легнала врз него за да го заштити додека да дојде неговата мајка.

Додека го штитела девојчето, видела како напаѓачот застрелал една жена и ја убил. Девојчето поминало без повреди, додека таа се здобила со мали гребаници.

Веднаш потоа отишла на игралиштето каде што, за среќа, ги немало напаѓачите, а вели дека баба му го штитела син ѝ.

„Лежеше врз него. Група мажи ги собраа сите жени и деца од игралиштето и ги однесоа во клубот за сурфање. Не знам кои се, но бескрајно сум им благодарна.

Ние сме мирна заедница и само јадевме крофни и прославуваме. Никој не го заслужува ова“, вели жената.

За време на нападот многу луѓе се покажале и како херои – давале прва помош, спасувале, а вирално се споделува и видео од 43-годишен маж од Сирија кој успева да му го одземе оружјето на еден од напаѓачите.

Прочитајте повеќе: Има своја продавница за овошје и е татко на две деца – Херојот кој го ризикуваше својот живот за да го собори напаѓачот во Сиднеј

Спирова С. | Црнобело