Швајцарија - втора година по ред, најиновативна земја на светот

Детали

понеделник, 09 јули 2012

Матичната земја на NESTLÉ, светскиот лидер во прехрамбената индустрија, Швајцарија е прогласена за најиновативна држава во светот. Рангирањето е спроведено според глобалниот индекс за иновации на светската организација за интелектуална сопственост (World Intellectual Property Organization) и INSEAD бизнис школата.

„Како главен менаџер за технолошките операции во NESTLÉ сметам дека за иновативност првенствено е потребно креирање на вистинска околина која ќе овозможува создавање на идеи. Најиновативните фирми ја практикуваат културата на интерактивност, отвореност и споделување на работното место, а исто така и надвор од него, а за да се постигне тоа многу е важна околината во која делува фирмата. Секако, за позицијата на NESTLÉ како водечки светски лидер во производи за широка потрошувачка, дел од заслугата во делот на иновативноста имаат и швајцарски корени, кои ни овозможија едни од најстабилните и најпродуктивни околини за иновации“, потенцира Werner Bauer, главен менаџер за технолошки операции во NESTLÉ.

Денеска, NESTLÉ вложува 1,9 милијарди швајцарски франци годишно на истражување и развој, а половина од тоа е концентрирано во Швајцарија, каде што постои Меѓународното седиште и 8 од 32 центри за исражување и развој на NESTLÉ. Само оваа година NESTLÉ во Швајцарија отвори три нови установи за истражување и развој: NESTLÉ институт за Здравствени науки, Центар за системски технологии и нова единица за клиничко истражување.

Пласманот во 141 растечки и развојни пазари се темели врз истражувачките институции, инфраструктура, кредити, инвестиции и поврзаност на индустријата и високото образование, патентирањето, научни публикации и креативна продуктивност. Оваа врста на класификација е исклучително важна бидејќи ги охрабрува законодавците, претприемачите и другите вклучени страни на дијалог и унапредување на системот на истражување и развој. Треба да се истакне дека баш поврзаноста помеѓу производните фирми, давателите на услуги, финансиските институции, универзитети и владини организации во Швајцарија имаат клучна улога во иновациите.