Го промениле полот па се заљубиле еден во друг

Детали

понеделник, 12 ноември 2012

Американските тинејџери Кејти Хил (18) и Арин Ендруз (16) изгледаат како и секоја друга заљубена двојка, но, тие се поинакви, затоа што и двајцата го промениле полот, а потоа се заљубиле еден во друг. Кејти, првите 15 години од животот била момче – Лук, а Арин се родил како девојче – Емералд.

Лук е дете на полковник, но отсекогаш мислел дека е девојка заробена во машко тело, а Емералд, која одела на часови по балет во детството и дури победила и на натпревар за убавина на училиште, сметала дека е машко.

Низ детството, и едниот и другиот трпеле малтретирање од врсниците, а потоа ги убедиле родителите да им дозволат да го променат полот. Така и се запознале – со тек на време направиле промена на полот во Тулса, Оклахома. Велат дека веднаш се вљубиле еден во друг.

-  И двајцата сме поминале низ слично детство и најдобро се разбираме еден со друг. Сега сме вистински пар, никој не може да препознае дека сме го промениле полот – вели Кејти.

Родителите на тинејџерите на почетокот имале голем проблем да ги прифатат своите деца, но сега ја поддржуваат и нивната врска.