Девојка од Загреб се обидува да ги нахрани бездомниците

Детали

вторник, 04 јуни 2013

Сите понекогаш сме гладни, уморни, беспомошни... Во денешно време многу луѓе едвај спојуваат крај со крај, а една хумана девојка од Загреб реши да им помогне токму на оние кои им е најнеопходно.

Активистката на оваа идеја на својот Фејсбук профил објави фотографија со кеса полна со храна, на која стои едноставна, но силна порака:

„Како што често зборував по бездомниците низ Загреб (а многу се, верувајте), но и со луѓето со кров над глава, сфатив дека празните желудници и тешките ситуации се најголемиот проблем. Размислував што да направам, како барем малку да им олеснам, да помогнам...

Имав идеја на неколку места низ градот да поставиме храна за бездомните, па кога нешто ќе зготвите,а ви остане – замотајте го во еден пластичен сад, во кеса и однесете го. Понекогаш наместо 1 чоколатце, купете уште едно плус. Денес одлучив да не размислувам и да не чекам повеќе да дојдам до идеално решение, туку да оставам мала кеса со храна закачена на контејнер.

Може ќе ја земе некој на кој не му е потребна, можеби некој ќе ја фрли, но јас ќе верувам дека ја пронашол некој гладен човек и му го подобрила денот. Па ете, ако сите ние направиме нешто слично од време на време, на сите ќе ни биде поубаво! Вака бездомниците кои често се чувствуваат понижено и недостоинствено, можат без ничие омаловажување да добијат храна. Не е срамота да помогнеме!”