Ова е тинејџ ѕвездата која има повеќе фанови од Лејди Гага

Детали

понеделник, 20 јануари 2014

Секоја дискусија за Бетани Мота започнува со бројки - нејзиниот YouTube канал има речиси 5 милиони следбеници, што е многу повеќе од Лејди Гага, додека нејзиниот Инстаграм го следат преку 2 милиони луѓе, што е многу повеќе од следбениците на Вог, Ел, Гламур и Космополитен заедно.

Мота завршила средно училиште минатата година и живее во мирен град во северна Калифорнија.

Стана доста популарна благодарение на YouTube видеата во кои покажува што купила и разговара за тоа. И навистина е така едноставно како што звучи, без стилисти, модни уредници или модели од писти.

Во минатото оваа видео платформа беше резервирана исклучиво за познати личности, но оваа девојка трендовите ги насочи во сосема поинаков правез.

Како што изјавила во едно интервју, убавината на YouTube заедницата ја открила откако некој од пријателите ја малтретирал онлајн.

- Не сакав со никој да разговарам, ниту да излегувам од дома. YouTube беше мојот поглед кон светот, но и начин да не се грижам што некој друг мисли за мене.

Од тогаш па до денес, Бетани Мота има снимено стотици видеа на кои објаснува интересни „направи сам“ проекти, туторијали за шминкање, фризури и декорирање на ентериерот.

Никогаш не одговорила колку пари заработува, но според бројот на прегледи, се претпоставува дека тоа е цифра од околу $40.000 долари месечно.