Што ќе направите ако видите премрзнато дете на улица? (видео)

Детали

четврток, 20 февруари 2014

Колку човечност има во светот? Колку се грижите за луѓето кои не ги познавате, но ги среќавате? Постои ли свест за другите или секој си ја гледа само својата мака?

Во Осло, Норвешка, снимено е кратко видео со помош на скриена камера, за да се подигне свеста и грижата кај луѓето за децата во Сирија.

Потребно е да се донираат средства за СОС камповите кои се таму поставени за да ги заштитат сите премрзнати деца.

Во видеото, едно дете седи на автобуска станица и ја чека својата учителка. На себе носи само една блузичка, а надвор температурите се многу ниски.

Се тутка и премрзнува додека покрај него поминуваат различни луѓе, млади и стари кои се добро наоблечени. Го гледаат дека се тресе од студ и разговараат со него.

Но, погледнете што ќе направат и прашајте се дали би го направиле истото?