Топлината убиец на патиштата

Детали

петок, 17 јули 2009

Во летните месеци, кога живата на термометарот ќе го надмине 30-от степен бројот на сообраќајните незгоди кои завршуваат со изгубени човечки...

... животи по правило се зголемува.

За оваа појава не се виновни само дупките по патиштата и лошата сообраќајна сигнализација, туку голем фактор е и концентрацијата на возачите која е видно намалена во летниот период.

Поради зголемените температури во возилата, ефектот кој го предизвикува топлината е ист како ефектот на возачот кој е под дејсто на алкохол.

Затоа пред тргнување на пат возачите треба да проверат колку долго стоело возилото на сонце.

Исто така се препорачува пред долгиот пат возачите да бидат добро наспани бидејќи само неколку секунди невнимание можат да предизвикаат возачот да заспие што е доволно за тешка сообраќана незгода.

На пат е најдобро да се тргне во раните утрински часови. На тој начин возачите можат постепено да се прилагодат на зголемувањето на температурите, а доста е и важно да се тргне соодветно облечен, односно тоа да биде во удобни алишта и обувки.

Во текот на возењето важно е и да се прават паузи, да се конзумираат доста течности и да се ужива пред се бидејќи сепак тоа е сепак најважниот дел од годишниот одмор.

Најголемата опасност претставува земањето седативи како "bensedin" пред почетокот на патувањето како и алкохолот.

Според најновите истражувања на Светската здравствена организација, помалку од половина од земјите во светот имаат закони кои се борат против 5-те најголеми ризични фактори кои допринесуваат за сообраќајни незгоди :

1. Возење под дејство на алкохол
2. Преголема брзина
3. Избегнување на носење кациги
4. Избегнување на ставање сигурносен појас
5. Избегнување на користење безбедноста опрема за деца