Откако му дијагностицирале рак, станал бодибилдер со моќна животна приказна

Детали

петок, 17 октомври 2014

Неверојатната трансформација на 15-годишниот тинејџер болен од рак сега е инспиративна животна приказна за многумина која вирално се прошири по социјалните мрежи.

Младиот Зах Зеилер од Мичиген, во 2010 година се соочил со најстрашниот период од својот живот - тој бил болен од рак на само 15 години.

Тогаш му бил дијагностициран Хочкинов лимфом, кој ќе завршел трагично ако бил откриен неколку месеци подоцна. Токму затоа, докторите му препорачале поинтензивни терапии и зрачења.

За жал неговото здравје се влошувало, а неговата тежина се намалила до 45 килограми.

Но, како што неговите фотографии покажуваат, тој успешно го победил ракот и сега тежи речиси 80 килограми.

Неговата трансформација е постигната како резултат на секојдневните вежби кои ги започнал додека одел на терапија.

„Беше одлично што ја насочив лутината која ја чувствував. И буквално се навлеков, вежбањето стана моја страст. Моите пријатели и семејството беа воодушевени колку добро ми одеше и тоа многу ми значеше,“ раскажува младиот Зах.

„Не сакам да застанам тука. Навистина сакам да ги инспирирам луѓето колку повеќе можам и да им помагам да ги победат сите животни препреки.“

Сега, Зах е ѕвезда на социјалните мрежи. На YouTube има над 11 милиони прегледи, а неговата Facebook страна брои речиси 70.000 фанови.