Децата пресреќни, камилите смрзнати: Снег во пустина во Саудиска Арабија

Детали

среда, 14 јануари 2015

Жителите на Саудиска Арабија кои живеат во пустина пред само неколку часа за прв пат во животот видоа снег.

Сите светски медиуми ја пренесоа веста за „пустинскиот снег“, а на фотографиите јасно се гледа дека целата пустина е завеана од снег.

Сепак, контрастот од темноцрвен песок и бел снег не е светско чудо, затоа што метеоролозите објаснија дека снежната покривка настанала заради влијанието на студениот воздух од Русија.

И покрај тоа што многу од жителите морале да ги напуштат своите живеалишта заради безбедност, биле пресреќни од појавата.

- Ова е подарок од Господ. Меѓутоа, станавме многу ограничени заради овие временски услови. Камилите се исцрпени и смрзнати. Сепак, по снегот сè ќе раззелени, па среќни сме и заради тоа, велат жителите.

• 
• 
• 
• 
• 
• 
• 
•