Чоколадно шоу во Париз

Детали

петок, 16 октомври 2009

Секоја година во средината на октомври, во главниот град на Франција се одржува познататото чоколадно шоу. Идејни творци на оваа манифестација...

 

...се Силви Душ и Франсоа Жанте кои ја водат маркетинг агенцијата Event International.

Пред 10 години тие дојдоа на идеја за организирање на Salon du Chocolat во Париз. Неговата популарност постојано расте и минатата година за 4 дена го посетија преку 100.000 луѓе.

Со зголемување на популарноста на настанот, овие чоколадни шоуа почнаа да се организираат и во Њујорк, Пекинг, Москва и Токио, но тој во Париз останува и натаму број 1 настан од ваков тип.

Оваа година се одржува од 14 до 18 октомври и отвoрањето беше навистина спектакуларно. Со чоколадна модна ревија, на која сѐ беше во знак на самата идеја на манифестацијата – славење на оваа прекрасна и магична супстанција.

Посетителите ќе можат во овие 4 дена да видат и посетат конференции за чоколадото, демонстрирање на рецепти, какао шоу, чоколадни награди, чоколадна работилница за деца, како и бројни други настани.

За оние кои се повеќе заинтересирани, влезницата чини 12 евра (околу 720 денари).

Гурман™
Портал за храна и готвење.
www.gurman.mk