Adidas патики за 1 евро

Детали

среда, 18 ноември 2009

Германската компанија "Adidas" - вториот светски произведувач на спортска облека, ги потврди своите планови да покрене производна линија...

 

... на ефтини патики за едно евро.

Се очекува првата "партија" на обувките за 1 евро да биде произведена во Бангладеш, пренесуваат светските медиуми.

Конечната цена сеуште не е прецизирана и "1 евро за пар" за сега е само концепт, изјави претставник на Адидас. Производството за таканаречените обувки "за евро" треба да започне во 2010 година.

Тоа значи дека производите ќе се продаваат по производната цена која ги покрива само трошоците за материјалите и трошоците за изработка.

Иницијатор на овој проект е економист од Бангладеш Мухамед Јунус, кој во 2006 година доби Нобелова награда за мир како основач на "руралните банки" специјализирани за помош на најсиромашните да ја започнат својата прва работа и бизнис.

Колку оваа идеја ке прејде во реализација, останува да видиме. Сепак, мора да признаеме - одличен концепт за тоа како да им се помогне на оние кои се соочуваат со големи финансиски проблеми и кои немаат доволно за задоволување на основните потреби.