Се откажал од својата работа за да го собори рекордот на направени селфиња во 1 час

Детали

четврток, 10 септември 2015

24-годишниот Бану Пракаш од Хидерабад решил да го собори рекордот за најголем број на направени селфиња во 1 час – рекорд кој моментално го држи Патрик Петерсон од Америка, со 1.449 направени селфиња.

Пракаш студирал Фармација и работел како асистент, но решил да го напушти своето работно место и да го оствари својот уникатен сон.

„Се враќав дома заедно со моите пријатели кои зборуваа за рекордот на Двејн Џонсон од 105 селфиња за 3 минути. Кога се вратив дома, добро ги проучив информациите и како можам да се пријавам и решив дека морам да се обидам да направам повеќе селфиња од Патрик Петерсон“ – објаснува Пракаш.

Неговиот личен рекорд до сега е 1.700 селфиња за еден час, но неговата крајна цел е да стигне до 1.800.

За да се подготви за овој предизвик, тој правел вежби за рацете и зглобовите на рацете за да може да го држи телефонот со часови без раката да му се помести.

Неговиот официјален обид да ја достигне посакувана бројка ќе се случи на 18 септември.

• 
• 
• 
• 
• 
• 
• 
• 
•