Моќна фотосесија покажува колку сме отуѓени еден од друг

Детали

вторник, 13 октомври 2015

Според истаржувачкиот центар „Pew“, дури 65% од Американците секојдневно ги употребуваат социјалните мрежи, а овој број полека но сигурно расте уште од 2005-та година. Дигиталната пандемија е толку голема што ако ги погледнете луѓето околу вас, многу поверојатно е дека ќе ги забележите како гледаат во својот телефон, одошто да имате некаков контакт очи во очи.

Денес луѓето се отуѓени, социјалната интеракција се одвива преку Фејсбук или Инстаграм, а се помалку во разговор очи во очи.

Токму за таа цел, фотографот Ерик Пикерсгил решил да направи моќна фотосесија во која покажува колку сме физички одвоени од луѓето околу нас.

Станува збор за серија фотографии од секојдневниот живот каде се отстранети електронските направи кои секојдневно ги употребуваме.

Проектот е именуван како „Removed“, а инспирацијата ја добил додека седел едно утро во кафуле: „Едно семејство седеше веднаш до мене и воопшто не се перципираа. Разговорите беа ретки. Таткото и двете ќерки беа загледани во своите телефони, мајката која немаше телефон покрај себе гледаше надвор низ прозорецот. Таткото одвреме навреме ќе ја подигнеше главата од телефонот и ќе споделеше некоја неважна информација која ја сретнал на својот телефон. Никој не возвраќаше...“

• 
• 
• 
• 
• 
• 
• 
• 
•