Дедо Мраз се преправа дека спие заради детенце кое доживеало епилептичен напад
- Детали
- среда, 09 декември 2015
Една фотографија од малиот Рајланд Вејд кој спие заедно со Дедо Мраз за многу краток период стана вирална со причина.
2-годишниот Рајланд од Охајо поради недостаток на кислород добил сериозно оштетување на мозокот. На малото момче дијагностицирани му се епилепсија и церебрална парализа.
Не може да зборува, има оштетен вид и секој ден, барем еднаш доживува епилептичен напад, а понекогаш и до шест. Но, без разлика на неговата состојба, семејството на Рајланд се обидува да му го направи животот што е можно поубав и да му овозможи што е можно повеќе нови искуства.
„Знаеме дека секогаш постои ризик од епилептичен напад, но не сакаме поради тоа да го затвориме дома. Наша работа како родители е да му го покажеме светот, земајќи ги предвид неговите ограничувања и да внимаваме на неговата сигурност“ – вели Саманта Вејд, мајката на Рајланд.
Едно од тие искуства е и посетата на Дедо Мраз.
Но, за време на таа посета Рајланд доживеал епилептичен напад и исцрпен заспал во скутот на Дедо Мраз.
Дедото облечен во црвено се потрудил малиот да добие убав спомен, па така е направена фотографијата во која Дедо Мраз и Рајланд спијат заедно.
Ryland wouldn't open his eyes for anything...thank you, Santa, for taking a snooze with him! #SoothingSanta #TeamRyland
Posted by Team Ryland Updates onБи можело да ве интересира:
