Животот е подарок, ваше е да одлучите дали неговата содржина ќе ви донесе среќа: Мудри мисли од 100-годишен дедо

Детали

среда, 16 декември 2015

Мејси Вилијамс од Калифорнија решила на социјалните мрежи да ја сподели приказната за својот 100-годишен дедо.

„Мојот дедо е стар 100 години и живеењето цел еден век го научило на неколку важни работи“ – така ја започнува приказната.

Енди Андерсон има животна приказна како од филмовите – се венчал со својата сопруга само една недела откако ја запознал и живееле заедно цели 67 години. Во меѓувреме имале две деца и еден посвоен син.

Без да заврши факултет, тој успеал да стигне до врвот и да работи како менаџер во компанија за млечни производи поради што го добил прекарот „Господинот кашкавал“.

Меѓу другото, тој споделил со својата внука неколку мудрости на кои го научил животот:

1. Имајте смисла за хумор.

2. Подобро е да имате лоша работа, отколку воопшто да немате работа.

3. Не трошете повеќе отколку што заработувате.

4. Сите ние имаме премногу облека. Носете го она што го имате и престанете да купувате нова.

5. Не фрлајте храна.

6. Вежбајте секој ден, дури и кога не ви е до вежбање.

7. Не се плашете да бидете она што сте.

8. Научете да простувате.

9. Штедете пари колку што можете.

10. Бидете љубопитни и откривајте го светот околу вас.

11. Образованието е важно, но не клучно. Понекогаш животот е најдобар учител.

12. Понекогаш љубовта на прв поглед не е бајка.

13. Наоѓајте нешто комично во секоја ситуација.

14. Вашето семејство е најважната работа на светот.

15. Кога ќе наидете на проблем, не го одлагајте неговото решавање.

16. Животот е подарок кој морате да го одмотате. Ваше е да одлучите дали неговата содржина ќе  ве однесе до среќен живот.