„Тука сум. Сè ќе биде во ред“: Емотивна фотка каде постариот брат го теши болното бебе братче

Детали

петок, 10 март 2017

Фотографија која прикажува нежен момент, допира до срцето и на најтврдокорните - двајца браќа лежат еден покрај друг.

Но, фотографијата покажува и нешто поважно и поемотивно.

На неа е прикажан момент кога 3-годишниот Вилијам како знае и умее се труди да го утеши својот помал брат Томас кој има само четири месеци, а се бори со рак.

Емотивната фотографија е направена од нивната мајка Шерил Бланксби која случајно влегла во собата и посведочила на моментот кога постариот го тешел својот помал брат, велејќи: „Големиот батко е тука, сè ќе биде во ред“, додека го гали по лицето.

Оваа скапоцена сцена која сведочи за љубовта меѓу браќата, мајката решила да ја сподели на Инстаграм објаснувајќи:

Враќање кога бевме на одмор. Се подготвував во тоалетот, а сопругот беше во кујна. Децата беа тивки, посебно господинот кој е во градинка. Ги знаете правилата кога децата се молчаливи. Тивко со фотоапаратот влегов во дневната за да доловам што и да прават. Очекував моето бебе да биде препокриено во Нутела или нешто слично, ама наместо тоа го видов ова. Син ми му вели на својот брат „Куја (постариот брат) е овде. Сè е во ред.“

Семејството Бланксби моментално го користи секој момент кој го има на располагање со своето бебе, бидејќи Томас е роден со лезија на кожата која изгледала како белег, ама по низа тестирања се покажала како малиген тумор.

„Ние како семејство се трудиме колку можеме повеќе да се соочиме со ситуацијата, ама тешко е“ - вели госпоѓа Бланксби.

„Постојано го снимаме секој момент кој ни е на располагање со нашето синче“ - додава таа.

Н. Г. | Црнобело