12 градови кои работат на забрана на возење автомобили

Детали

сабота, 19 август 2017

Во 2015-та, Осло соопшти план за забрана на сите автомобили во центарот на градот до 2019-та.

Овој план наишол на протески од бизнисите, па градот дојде до едно поинакво паметно решение.

Наместо да ги „избрка“ автомобилите, надлежните изјавиле дека ќе го отежни нивното користење со тоа што ќе ги забрани паркинг местата.

Но овој норвешки град не е единствениот кој се подготвува за ослободување од многуте автомобили.

Многу градови низ светот почнуваат да наоѓаат решенија за тоа како да направат повеќе простор за пешаци и да го намалат нивото на CO₂ од горивото.

Ова се 13-те градови кои веројатно ќе успеат во тоа:

Осло

Норвешкиот град ќе инвестира многу во јавен правен и ќе замени 35 километри пат кој бил наменет за автомобили со велосипедски ленти.

Мадрид

Мадрид планира да забрани автомобили на 500 хектари од центарот на градот до 2020-та. 24 улици на кои има најмногу метеж ќе бидат наменети за пешачење наместо за возење.

Возачите кои нема да го почитуваат правилото ќе платат казна од најмалку 100 евра.

Ченгду, Кина

Новиот изглед на градот кој планираат да се оствари до 2020-та година, ќе биде направен така, да биде полесно да се оди пешки отколку да се вози.

Автомобилите нема целосно да бидат забранети но само половина од улиците ќе бидат дозволени за нив, а пешаците ќе можат да стигнат секаде за 15 минути.

Хамбург

Германскиот град планира пешачењето и велосипедите да бидат доминантни начини за транспорт. Во следните 2 децении, градот ќе го намали бројот на автомобили, со тоа што одредени зони ќе бидат дозволени само за пешаци и велосипедисти.

Копенхаген

Сега, повеќе од половина популација во Копенхаген, секој ден се превезува со велосипеди благодарение на зоните кои се само за пешаци, а постојат уште од 1960-та. Овој град има најнизок процент на сопственишто над автомобили во Европа.

Париз

Градот сака целосно да ги обесхрабри возачите од возење автомобили низ центарот. Од јули, 2016-та забрането е возење автомобили постари од 1997-та во центарот за викенди.

Сега сакаат да го дуплираат бројот на велосипедски ленти и да лимитираат одредени улици само на електрични автомобили до 2020.

Лондон 

Исто како Париз, така и Лондон сака да ги забрани дизел возилата до 2020. Моментално, градот ги обесхрабрува возачите на дизел возила со тоа што наплаќа казна од околу 12 евра ако се вози таков автомобил за време на часовите во кои има најмногу метеж.

Брисел

Повеќето улици околу центарот на градот отсекогаш биле само пешачки зони. Брисел ја има најголемата зона забранета за автомобили после Копенхаген. Градот бара уште начини за да ги прошири зоните кои ќе бидат забранети за возила, а од 2018-та ќе биде забрането возење на дизел возила постари од 1998-ма.

Мексико Сити

Во април 2016-та, локалните власти одлучиле да забранат дел од автомобилите кои возат во центарот, 2 дена во работните недели и 2 саботи месечно. Тие одлучуваат кои автомобили ќе возат во одредени денови, со помош на систем на ротација базиран на регистрациските таблици.

Богота 

Во овој град, околу 120 километри од улиците се затворени за возила еден ден во неделата, а ова започнато уште од 1974-та. Сега градот има околу 300 километри во велосипедски патеки.

Сан Франциско 

На 2-ри август, 2017-та, градот сопшти дека има план да забрани возила на една од најфреквентните улици и да стави велосипедски патеки. Низ целиот град има велосипедски патеки од 200 километри.

За проектот ќе бидат потребни неколку години, а првата фаза се очекува да започне во 2018-та.

Њујорк

Иако градот не планира да забрани возила во брзо време, сепак го зголемува бројот на пешачки зони и велосипедските патеки и јавен превоз.

Тие имаат настани со кои ги охрабруваат луѓето да пешачат повеќе, а местата каде има најмногу метеж се строго пешачки зони.

М. М. | Црнобело