Детето кое го носеше расистичкиот дуксер на H&M доби понуда од милион долари

Детали

четврток, 11 јануари 2018

Освен ако не бевте целосно исклучени од светот изминатава недела, сигурно го видовте детенцето со темна боја на кожа, како носи зелен дуксер со слоган „најкул мајмун во џунглата.“

Рекламата на H&M беше оценета како крајно расистичка и неразмислена, по што следуваше соодветно извинување од брендот.

Но, изгледа мајката на детенцето кое беше модел за дуксерот, не мисли дека се случило нешто страшно за реакции од такви размери.

Жената со име Тери Манго, која се претставила како мајка на детенцето, на Фејсбук го сподели своето мислење за овој „непотребен проблем“:

„Јас сум мајката и ова е еден од стотиците аутфити кои мојот син ги рекламираше. Престанете постојано да плачете, непотребен проблем... преболете го веќе еднаш.“

Изјавата се појави откако Пи Диди му понуди на детенцето договор за моделинг за неговиот бренд, вреден 1 милион долари.

Додека тимот на Пи Диди ништо не потврдува, раперот на Твитер сподели модифицирана фотка на која детенцето носи круна и дуксер со натпис „најкул крал во светот.“

Put some respect on it!! When you look at us make sure you see royalty and super natural God sent glory!! Anything else is disrespectful. pic.twitter.com/QVaxgngwh1

— Diddy (@Diddy) January 8, 2018

М. Д. | Црнобело