„Глупава плавуша“: Критиките со кои се соочи блогерката која ја гризна ајкула за добра фотка

Детали

петок, 13 јули 2018

Последниве два дена насекаде кружи веста за Инстаграм блогерката која ја гризна ајкула додека се обидуваше да направи добра фотка на Бахамите.

19-годишната Катарина била на одмор со момчето, а локалците ја охрабриле да плива со ајкулите бидејќи не може ништо да ѝ направат, иако имало натпис на кој пишува дека ајкулите може да гризаат, но наводно таа не го прочитала.

Таа ги послушала, и додека лебдела во водата, една од ајкулите ѝ ја гризнала раката и ја одвлекла во водата, но за среќа таа успеала да се извлече и нема сериозни последици.

Девојката веднаш отишла во болница со цел да спречи ширење на инфекции, а за моментот кога била гризната вели дека се чувствувала како 15 луѓе да ја гризаат истовремено.

Сега, Катарина признава дека се соочува со преголем притисок на социјалните медиуми, со оглед на тоа што бројот на следбеници на Инстаграм пораснал од 13.000 на 46.000.

Таа добила голем број критики од луѓето кои ја нарекуваат „глупава плава Инстаграм блогерка“ и ја осудуваат дека само се обидува да стане позната.

„Многу луѓе ми напишаа реферати за тоа колку сум глупава и посочуваа дека сум немала мозок. Некои коментари, посебно од мажите беа посебно деградирачки за жена. Ме нарекуваа глупава плавуша, која има среќа.“

Нејзиното момче ѝ помага да ги избрише сите навредливи коментари и пораки, велејќи дека луѓето кажуваат многу лоши работи и ја деградираат.

Но, и покрај тоа, девојката вели дека ќе направи сè за да остане позитивна, бидејќи не вреди да си го губи времето за тие луѓе.

Таа е благодарна што повредата не е посериозна и е благодарна на поддршката од момчето, пријателите и семејството.

М. М. | Црнобело