Како медиумите го претставуваат принцот Чарлс, а каков е тој во реалноста?

Детали

среда, 15 август 2018

Сите ги обожаваме Вилијам, Кејт, Хари, Меган, па дури и кралицата Елизабета, но дали некому му е омилен принцот Чарлс?

Во медиумите постојано осамнуваат тон информации за британското кралско семејство, но дали сликата што ја добиваме за нив е вистинска? Какви се тие во своето секојдневие, далеку од камерите?

Принцот Чарлс во медиумите е прикажан како студен и неемотивен човек. Но, како сите да подзабораваат дека едно од главните кралски правила е да не се покажуваат емоции во јавност. Се разбира, некои од кралските припадници го прекршуваат од време навреме, како на пример принцот Хари и Меган Маркл кога се држат за раце.

Принцот Чарлс ги почитува правилата и затоа на него гледаат како на студен човек, а и поради однесувањето во бракот со принцезата Дијана.

Дел од твитовите за него:

In honor of the #royalwedding the weather here in Chicago is just like Prince Charles- cold and foggy.

— BRENDAN (@Ctb22684) May 19, 2018

Prince Charles really is a horrible horrible man. Diana didn’t deserve the way he treated her.

— K🌙 (@KimK8415) July 31, 2018

Charles did not give Diana a hint of respect. And zero love, for sure.

— Sandra 💔🇺🇸 (@SandraSBreen) August 9, 2017

Сепак Џозеф Сисио, кој има работено како консултант во кралското семејство, вели дека принцот Чарлс е сосема поинаков од тоа како го претставуваат медиумите.

Сисио во медиумите проговори за нивната прва средба:

„Тој е многу искрен, има одлична смисла за хумор, беспрекорно е облечен и ве гледа директно во очи... Тој човек го има најлошиот ПР на светот, затоа што не е воопшто како што очекувате. Тој е прекрасен. Многу е дарежлив и посветен на своите обврски.

Исто така, искрено е загрижен за околината и за сиромаштијата во светот. Принцот Чарлс поддржува голем број на хуманитарни организации, гради училишта, болници, но луѓето не знаат многу за тоа.“

С. С. | Црнобело