Себастијан Курц лета со нискобуџетни компании - добро би ни дошле повеќе вакви политичари (фото)

Детали

четврток, 23 август 2018

Ретки се политичарите кои се сметаат за еднакви со народот и се свесни дека токму народот ги ставил на позицијата на која се, а Себастијан Курц дефинитивно е еден од нив.

Деновиве на социјалните мрежи вирално кружи објавата на Никола Грубишиќ. Тој е само еден обичен човек, што видел, за денешни услови, необична ситуација која е доказ дека сите политичари не треба да ги ставаме во ист кош. За среќа.

И додека повеќето од политичарите се со носот во облаци, ослепени од моќ, алчни по власт и пари, патуваат строго со прва класа и мислат дека се подобри од сите останати, односно од народот кој ги изгласал, постојат и такви кои остануваат човечни, кои не забораваат дека народот ги направил тоа што се и ги ставил на функцијата на која моментално се наоѓаат.

Таков е австрискиот канцелар Себастијан Курц. Тој е забележан како се вози на нискобуџетен лет во економска класа на авионската компанија „Eurowings“, без делегација и осигурување.

Летот на релација Барселона - Виена доцнел два часа, а политичарот, како и сите останати патници, уредно си чекал.

Кога влегол во авионот бил препознаен од страна на некои патници, па со насмевка на лицето се сликал со нив. Потоа, кога слетал го чекало обезбедување, но тој од авионот излегол заедно со сите останати патници, без туркање преку ред и помпа.

Патникот што ја уловил ситуацијата со својот телефон прави паралела помеѓу останатите умислени политичари и австрискиот канцелар и тука веќе сè е јасно, зарем не?

Гласаме за повеќе вакви политичари, кои ќе ни ја вратат вербата дека тие се рамо до рамо со нас и целта им е да се борат за наше заедничко подобро утре, а не само за свое.

Инспиративната објава што се прошири вирално:

data-width="630" data-show-text="true">