13 работи на кои Македонците ќе се чудат ако одат во Јапонија

Детали

понеделник, 24 септември 2018

Јасно е дека Македонија и Јапонија се светлосни години оддалечени и колку и да се информираме за нив, Јапонците постојано нè изненадуваат со некои свои навики.

Јапонија е толку уникатна што како да е паралелен универзум од остатокот од светот.

Јапонците имаат култура со чудни обележја и живеат поинаку од нас:

Јапонците запросувањето го прават со прашање како да ангажираат готвач

Тие се многу срамежливи, па кога ја бараат девојката за жена тие не поставуваат прашање „Дали ќе се омажиш за мене“ туку прашуваат нешто од типот „Дали ќе ми готвиш супа секој ден?“.

Прашањето може да биде и дали би му ја переле облеката секој ден или пак дали би сакале да одите во ист гроб еден ден. За среќа, оваа традиција полека застарува и романтиката настапува на сцена.

Некои Јапонци живеат во Интернет кафулиња со години

Не секој Јапонец може да си изнајми стан или да престојува во хотел, па некои од нив со години живеат во интернет кафулиња, простор кој е толку мал што не можат ниту целосно да се истегнат.

Понекогаш таму има и кабини за туширање и бесплатни безалкохолни пијалаци и ги чини 12-22 долари на ден, што е поевтино од т.н. капсула хотели (18-36 долари).

Одговорен на железничка станица може да биде мачка или куче

На некои железнички станици симболично се вработуваат мачки или кучиња кои ја „чуваат“ станицата и платата ја добиваат во храна.

Во уличните канали пливаат риби

Водата во каналите во Јапонија е многу чиста, никој не фрла неразградливо ѓубре и таму пливаат риби.

Водата е толку чиста што наводно некои Јапонци тука мијат чинии, а рибите се хранат со остатоци од храната. Водата доаѓа од извори и некои тврдат дека е поквалитетна од таа од чешма.

Ученичките носат мини здолништа како дел од униформата, дури и во зима

Карираните куси здолништа и црните чорапи им се препознатлива униформа.

Има кафуле каде можете да комуницирате со бувови

Во Јапонија има многу кафулиња со животни, а едно од нив се наоѓа во Токио каде можете да пиете пијалак и да комуницирате со був за 17 долари.

Се разбира, важат строги правила за престојот таму.

Имаат фестивал со илјадници мажи половина голи или сосема голи

На фестивалот „Hadaka-matsuri“ секоја година присуствуваат повеќе од 9.000 луѓе. Мажите со минимална облека на себе се натпреваруваат во разни дисциплини.

Фестивалот има религиски корени, па има пливање во ледено студена вода и низа други активности и ретко завршува без некој скршен нос.

Уште 6 работи на следната страна...