Пар на пијано го купил хотелот на Шри Ланка, каде престојувале за меден месец

Детали

вторник, 16 октомври 2018

Малиот рустичен шарен хотел што наликува на куќа на дрво, во комбинација со румот што го испиле, го натерал овој пар да донесе импулсивна одлука и да ги следи своите соништа.

Сите сме направиле нешто импулсивно кога сме пијани, но еден пар дефинитивно триумфираше со носењето на одлука на пијано - тие си го купија хотелот каде престојувале за време на медениот месец.

Џина Лионс (33) и Марк Ли (35) за нивната спонтана одлука го обвинуваат румот. Парот од Лондон направил свадба во јуни 2017 година, а потоа во декември заминал на меден месец на Шри Ланка.

По неколку чаши рум тие одлучиле да го купат хотелот, кој бил на самата плажа, но бил стар и за реновирање. Локалот имал само 7 соби и го купиле за 34.000 евра.

Продуцентот Џина и директорот за продажба Марк сега официјално се сопственици на хотелот „Lucky Beach Tangalle“, кој наликува на дрвена куќичка на дрво.

Тие го реновирале локалот, а во текот на процесот имало уште низа трошоци како лиценци за работа и слично, плус дознале дека Џина е бремена, па уште еднаш ја преиспитале својата одлука. Сепак, иако на миг им изгледало ризично и сакале да сопрат, продолжиле со процесот.

Имале бебе на пат и живееле во мал стан, но верувале во својот сон и парите ги потрошиле на овој хотел. Сега имаат редовни посетители во хотелот и велат дека одлуката им се исплатела, но во иднина ќе внимаваат на дозите на рум, а одлуките ќе ги носат на трезно.

С. С. | Црнобело