Жена поради претерана употреба на телефонот завршила со парализирани прсти

Детали

среда, 24 октомври 2018

Технологијата ни го олеснува животот, но во голема мерка влијае и негативно на нашето здравје, а овој случај е доказ за тоа.

Дали на моменти ве загрижува времето минато пред електронски екрани во текот на денот? Како да почнавме да се будиме и да заспиваме со телефоните во рака.

Постојано разгледуваме што има ново на социјалните мрежи, иако не наоѓаме ништо корисно, а станавме зависни и од игри. Една жена во Кина поради зависноста од телефон завршила дури и на лекар.

Во текот на едната седмица одмор од работа таа најголемиот дел од времето го минала со телефонот во рака. Го оставала само кога одела на спиење. Почнала да страда од сериозна болка во десната рака и наскоро не можела да ги мрда прстите.

Отишла на преглед и докторот ѝ дијагностицирал теносиновитис - воспаление на тетивите и околните обвивка.

За среќа, по третманот жената можела повторно да ги мрда прстите и си заминала дома со предупредување редовно да прави паузи од користење на нејзиниот паметен телефон.

Треба малку да се замислиме, зарем не?

С. С. | Црнобело