„Пофали се со богатството“ – Новите трендови на Инстаграм достигнаа ниво на лудост (фото)

Детали

четврток, 25 октомври 2018

На социјалните мрежи постојано сме сведоци на нови трендови кои се прифаќаат во целиот свет – од модни до најразлични предизвици.

Овојпат, најновиот бизарен тренд е предизвикот „пофали се со своето богатство“, а се шири насекаде во светот.

Скролајќи по Инстаграм можеби сте наишле на фотки од луѓе кои паѓаат и „случајно“ им се истураат луксузните и скапи производи од чантите или брендираните кеси.

Секако, покрај нив е и луксузниот автомобил од кои се „сопнуваат“ или приватниот авион од кој паѓаат.

Со овој бизарен тренд миленијалците на светот сметаат дека ќе станат популарни и ќе стекнат повеќе следбеници, со оглед на тоа што некои ги преминуваат границите и го прават тоа на сред улица, правејќи прекин во сообраќајот само заради фотка.

Предизвикот е започнат под хаштагот „fallingstars“ (ѕвезди кои паѓаат), но сега го имаат прифатено и сите останати.

Секако, оние кои го осудуваат овој предизвик, направиле своја верзија и се сликале како паѓаат на земја, но наместо да ги покажат луксузните дизајнерски работи кои ги поседуваат, ги прикажуваат нивните професионални достигнувања.

/photo/1?ref_src=twsrc%5Etfw%7Ctwcamp%5Etweetembed&ref_url=https%3A%2F%2Fd-22640380531279564066.ampproject.net%2F1810052256480%2Fframe.html

Како изгледа кога новите трендови на социјалните мрежи ќе ги преминат сите граници - го оправдувате ли ова?

• 
• 
• 
• 
• 
• 
• 
• 
• 
• 
• 
• 
• 
• 
•  

М. М. | Црнобело