„Поубава ми беше пред операциите“: Што откри младоженецот за најозборуваната невеста на Балканот?


„Поубава ми беше пред операциите“: Што откри младоженецот за најозборуваната невеста на Балканот?

Таа е доказ во колкава мера естетските корекции може да ѝ го променат личниот опис на жената. Премиерно се огласи и нејзиниот сопруг на оваа тема, нагласувајќи дека лично нему повеќе му се допаѓала порано.

poubava-mi-beshe-pred-operaciite-shto-otkri-mladozhenecot-za-najozboruvanata-nevesta-na-balkanot-1.png

Срѓан и Тамара се младенците чија свадба е хит во цел регион. Снимката од нивната венчавка во Подгорица, привлече огромно внимание во поранешните југословенски држави. Дел од српските, босанските и хрватските портали ја прогласија за „најкичеста“ на Балканот.

Видеото предизвика лавина од реакции и на социјалните мрежи, каде можеа да се прочитаат разни коментари од корисниците. Претежно се критики на сметка на невестата, којашто многумина ја окарактеризираа како „вештачка“, „пластична“, „невкусна“ и „страшна“.

poubava-mi-beshe-pred-operaciite-shto-otkri-mladozhenecot-za-najozboruvanata-nevesta-na-balkanot-2.png

Веста дека нивната свадба е топ тема во регионалните медиуми, светскиот вицешампион во џудо Срѓан Мрваљевиќ (34) прилично го изненадила.

„Тамара и јас одлучивме да се венчаме после седум години во врска. Направивме нормална свадба за своите пријатели и роднини. Не ни беше намерата да предизвикаме било каква помпа во медиумите. Навистина сме изненадени.

Во секој случај, ако на некого му се допадна снимката од нашата свадба, тогаш многу ни е драго. А, ако не е така, се извинуваме доколку со нешто сме навредиле некого. Не е намерно.“

poubava-mi-beshe-pred-operaciite-shto-otkri-mladozhenecot-za-najozboruvanata-nevesta-na-balkanot-3.jpg

Црногорецот испрати соопштение до јавноста, каде пишува дека не очекувал таков „рингишпил“ од емоции. Ги демантираше гласините дека има блиски врски со криминалното милје, а неговата сопруга е старлета:

„Тамара живее во Никшиќ и има 26 години. Заврши економско училиште и дипломираше на Правниот факултет во Подгорица. Не е старлета, не се занимава со јавна работа и нема социјални мрежи. Сака рекреативно да тренира и игра. Слабо излегуваме по ноќни клубови поради мојот начин на живот. Обично гледаме серии и филмови, или, пак, шетаме заедно.“

poubava-mi-beshe-pred-operaciite-shto-otkri-mladozhenecot-za-najozboruvanata-nevesta-na-balkanot-4.jpg

Во ексклузивнoто интервју за српскиот весник „Блиц“, пак, меѓу другото, младоженецот се осврна и за нашироко коментираниот изглед на неговата избраничка:

„Изгледа јавноста најмногу ја интересираат естетските корекции на мојата сопруга. Бидејќи е етикетирана како пластична жена од глава до пети, ќе ви кажам, иако нерадо и со доза на непријатност, дека таа има импланти во градите и хијалурон во усните и јаболчиците.

Искрено, противник сум на било какви операции кои не се нужни. Тамара ми беше поубава пред сите додатоци, ама тоа беше нејзина одлука. Јас прифатив за да биде среќна и задоволна.

Не се оженив со неа поради изгледот и убавината, туку заради ведриот дух и човечките квалитети.

poubava-mi-beshe-pred-operaciite-shto-otkri-mladozhenecot-za-najozboruvanata-nevesta-na-balkanot-5.jpg

Ако ги споредите фотките од минатото, наспроти оние со понов датум, впечатокот е како да се две сосема различни личности во прашање. Дали промената е на подобро, или, пак, полошо, оставаме да процените сами:

M. A. | Црнобело

Би можело да ве интересира:

Таа имала 14 години, а тој 18 кога станале родители за првпат - сега и... Откако открија дека на 13 години забременила за прв пат, најголемото семејство в...
Жена за првпат стана мајка на близначиња на 50 години, по низа спонтан... Го чекала вистинскиот, но не дошол, па од 39-годишна возраст минала години и год...
Таа е 104 килограми потешка од својот сопруг и 11 години постара (фото... Овој уникатен пар вели дека секојдневно се соочува со предрасуди, но не се замор...