Блогерка обвинета што се сликала пред воз кој се движи, за добра Инстаграм фотка

Детали

вторник, 13 ноември 2018

Иако обожаваме да ги гледаме совршените фотки од патувања на Инстаграм блогерите, сепак мора да признаеме дека нешто не е во ред со денешните модерни патувања.

Многу често, тие ги ризикуваат своите животи, или пак прават нешто да не изгледа опасно и го прикажуваат во погрешно светло за останатите кои всушност може да настрадаат.

Токму со таква причина е обвинета блогерката, која на Инстаграм е позната како @oneoceanaway_.

Таа има живеено во Австралија, Шпанија, Шведска и Германија и објавува фотки од сите патувања низ светот на нејзиниот профил.

Овојпат, таа објавила фотка на пазарот Maeklong Railway во Тајланд, низ кој има пруга, на која таа се фотографира пред воз кој се движи, а во описот напишала:

„Сите велеа дека е многу опасно тоа што го правам. Тие ги држеа нивните мобилни и снимаа колку бавно се движи возот со 5 km/h, додека на мене ми врискаа велејќи дека сум во ризик. Да бидеме искрени, на таа брзина, дури и желка ќе се спасеше...“

И додека сите туристи во гужвата од страните се со извадени мобилни телефони за да го фотографираат возот, блогерката претерала со тоа што позирала пред него, а многумина ја нападнале за опасната фотографија:

„Не треба да го промовираш ова. Даваш погрешен впечаток за безбедност и некои луѓе може да ги следат твоите стапки и да настрадаат правејќи го истото. Сум била таму и иако возот навистина се движи бавно, сите треба да се тргнат од пругата кога тој доаѓа.“

„Иако фотката е совршена, сепак од фотографија не може да се забележи дали возот се движи бавно или брзо. Луѓето лесно може погрешно да ја сфатат идејата и да ја повторат било каде. Во Холандија луѓето секојдневно се убиваат така што скокаат пред возови. Пругите не се наменети за да одиме по нив, независно колку бавно се движат возовите.“

Блогерката првично не ги прифати критиките и им одговори на сите велејќи дека нема никаква опасност:

„Прво, ова не е воопшто опасно, второ, не сум прва и нема да бидам ни последна која се слика овде или на други опасни места. Наша работа е да бидеме свесни за опасностите и границите. Дури и ако јас не се сликав вака, некој друг ќе го направеше тоа. Не сум човек што презема големи ризици за слика, ја ценам мојата безбедност и живот. Имајте убава недела!“

Потоа, очигледно ја сфатила грешката и објавила нова фотка во која признава дека прикажала погрешен впечаток и им се извинила на сите, а фотката која предизвика бура критики, ја отстранила од нејзиниот профил.

Што мислите вие за ова и колку далеку одат блогерите во денешниот свет за добра Инстаграм фотка?

Погледнете повеќе фотки од блогерката:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. М. | Црнобело