Најукрасениот апартман во хотел во Лондон за сите „зависници“ од празничната магија (фото)

Детали

петок, 14 декември 2018

Од прекрасни новогодишни елки до целосно бајковит изглед декориран од светски модни дизајнери – лондонските хотели даваат сè од себе за да ги импресионираат гостите.

Во Лондон, хотелите не забораваат и на нивните гости кои сакаат да се чувствуваат како дома, во празнична атмосфера, додека престојуваат во нивните соби.

Оваа година, Park Plaza Riverbank хотелот во Лондон, се надмина со новогодишните декорации во Божиќниот апартман, во кој може да уживаат љубителите на празничната магија.

Секое делче од апартманот е внимателно украсено со цел да се постигне ефект на магична божиќна бајка, во која гостите ќе уживаат.

Преку 1.000 сијалички го красат овој апартман, заедно со 200 декоративни снегулки, 23 свеќи, 11 метри празнични венчиња, и уште многу други новогодишни декорации, како поларна мечка, снежни дрвца, 7 новогодишни елки, ирваси и многу слатки.

И покрај прекрасните празнични декорации низ Лондон и најукрасениот паб, на гостите во овој апартман ќе им биде тешко да се одвојат од него.

Погледнете како изгледа оваа магична бајка во хотелска соба:

• 
• 
• 
• 
• 
• 
• 
• 
• 
• 
• 
• 
•  

М. М. | Црнобело