Колку чини во Јапонија некој да ве слуша како цимолите 1 час?

Детали

четврток, 31 јануари 2019

Ве нервира дождот, студеното време, политиката, воздухот, партнерот, работата... Кому се жалите?

Aко има едно нешто што ние луѓето го обожавате е цимолењето. Едноставно, сакаме да се жалиме за лошото време, ужасниот сообраќај, политиката, општо за сè. Секаде и секогаш.

Но, во Јапонија нема потреба да заморувате некого со сомневањата дека партнерот ви е неверен или колегите ве озборуваат зад грб. Таму може да си ангажирате комплетен странец за само 8 евра на час да ве слуша како цимолите.

„Ossan Rental“ е една од компаниите кои нудат вакви услуги. Основана е во 2012 година.

Таму човек ќе ги ислуша вашите проблеми, ќе ви даде совет за љубовта или кариерата, па дури може да ви биде и друштво на концерт.

Тие не се експерти, но можеби со своето искуство ќе ви помогнат. Како и да на луѓето им олеснува и кога само има некој што ќе ги ислуша.

С. С. | Црнобело