Мистерија за камените топки во Босна и Херцеговина

Детали

сабота, 13 април 2019

По сѐ изгледа Босна и Херцеговина е преполна со мистерии. Покрај босанските пирамиди, откриени се над 40 камени топки во близина на градот Завидовиќ, а исти такви камени топки кои тежат со тони можат да се најдат на повеќе локации во државата.

Доволно е само да ги погледнете на фотографија и веднаш ќе сфатите дека некоја тајна е поврзана со нив. Овие камени топки не постојат само во Босна и Херцеговина, туку ги има насекаде низ светот. Од Турција, па сѐ до Мексико, Коста Рика, Тунис...

Како и што е очекувано, постојат поделени мислења во врска со потеклото на камените топки. Некои сметаат дека имаат природно потекло, другите дека се остатоци од паднати метеори, а има и таква група на луѓе кои тврдат дека камените топки се артефакти од непознати цивилизации или служеле како оружје кога се воделе меѓугалактички војни.

Секој си раскажува своја приказна за камените топки, а жителите кои се наоѓаат во близина на наоѓалиштата не можат да дадат никаков конкретен одговор.

Овој мистериозен приод ги примамува мистиците од целиот свет и ги мотивира да споделуваат различни мислења и тврдења.

Можеби ќе потрае додека да се открие вистината за камените топки, или можеби веќе е откриена, но се држи во строга тајност. Во вакви ситуации, секој има право да ја оптегне сопствената фантазија и да проектира различни видувања.

Но, едно е сигурно, а тоа е дека мистериите се нешто најприменливо за човекот.

Автор: Евгениј Хоуп | Црнобело