Внуката и полицијата ѝ ја исполниле желбата – 93-годишна баба уапсена првпат во животот

Детали

петок, 28 јуни 2019

Кога здравјето на 93-годишната Џози Бирд почнало да се влошува, таа му кажала на нејзиното семејство дека има една неисполнета желба – да биде уапсена барем еднаш, за што било.

Нејзината внука Пем Смит изјавила дека баба ѝ има златно срце и дека била добра со неа целиот нејзин живот. Бидејќи сакала да ѝ исполни барем една од желбите, Пем отишла во полицијата во Грејтер Манчестер со чудно барање.

Во едно интервју, главниот инспектор Дениз Пај изјавил:

„Во овој случај, и за краток период, можевме да ѝ ја исполниме желбата на постара жена и да ѝ подариме ден што ќе го помни. Додека се случуваше ова, полицајците од областа си продолжија со нивните должности за да се осигураме дека оваа кратка посета ќе нема никакво влијание на пошироката област. Сакаме заедницата да се чувствува безбедно во наше присуство и удобно кога сака да ни пријде.“

Пем ја споделила призната на Твитер, заедно со неколку фотографии од „апсењето“ на нејзината баба.

Во објавата стои:

„Големо благодарам до полицијата за 'апсењето' на мојата баба Џози. Таа има 93 години и нејзиното здравје се влошува и сакаше да биде уапсена за што било, пред да биде предоцна. Таа има златно срце и денес вистински уживаше. Ви благодарам што ѝ ја исполнивте желбата.“

https://twitter.com/sterlingsop/status/1142550835345448967/photo/1?ref_src=twsrc%5Etfw%7Ctwcamp%5Etweetembed%7Ctwterm%5E1142550835345448967&ref_url=https%3A%2F%2Ftwistedsifter.com%2F2019%2F06%2Fgranny-josies-dying-wish-to-be-arrested-gets-granted%2F

Спирова С. | Црнобело