Бидете генетски инженер по дома

Детали

понеделник, 29 декември 2008

Apple компјутерот бил измислен во гаража, исто како и пребарувачот Google. Па, зошто тогаш да не пробате да ги креирате основните ќелии на живот во вашата гаража?

 

Група на млади ентузијасти направиле лабораторија во домашни услови во која што со знаењето достапно на интернет пробуваат да направат нови форми на живот преку генетски инженеринг.

Една од нив, 31 годишната Мередит Патерсон програмер по професија, во својата кујна пробува да креира генетски модификувана бактерија која би светела зелено кога ќе се детектира присуство на меламин, смртоносната состојка којашто се појави во кинеската храна за бебиња.

Досега, не се случило ниедно големо генетско отрие во некоја гаража, но никогаш не се знае. Според  Мередит луѓето можат да работат и направат нешто за доброто на човештвото, додека учат и експериментираат со работите кои ги интересираат.

Зашто да не се случи некое вакво големо откритие во Македонија? Тимот на ЦрноБело ве поттикнува да направите нешто вакво и ви ветуваме дека ние ќе бидеме првите што ќе го објавимие тоа.

Со среќа!