Амазонската дождовна шума во пламен, пожарите се гледаат и од вселената

Детали

среда, 21 август 2019

Во понеделникот целиот Сао Паоло во Бразил се затемнил. Излегло дека причината за ова затемнување е чадот од пожарите кои гореле на дури 2.700 километри од градот.

Според податоците, бразилскиот центар за вселенски истражувања INPE забележал дури 72.843 пожари во амазонската дождовна шума.

Нивните сателитски снимки покажале дека за разлика од минатата година, оваа година има 83% поголем број пожари. Ова значи дека амазонската шума се соочила со рекорден број на пожари.

Локалните жители биле вистински вознемирени од дневното затнување, а еден Twitter корисник дури прашал колкав би бил пожарот штом се создава толку чад. Затемнувањето траело околу еден час.

Но, жителите на Сао Паоло не биле единствените што го забележале оганот.

Од НАСА објавија фотографии направени од вселената на кои јасно се гледа чадот што ја опкружува амазонската дождовна шума.

Иако овој предел е обично „огноотпорен“ поради влажноста, изминативе неколку децении бројот на пожари само се зголемува. Причините се сушата, но и човечката активност.

Извор