„Не биле толку долго под ист покрив со Елизабета“ – принцот Филип го дочека 99-тиот роденден во карантин (фото)

Детали

среда, 10 јуни 2020

Денес, 10-ти јуни, принцот Филип го слави неговиот 99-ти роденден.

По тој повод беше објавена и фотографија од Филип и Елизабета, направена во тревникот на замокот Виндзор.

Кралицата и принцот заедно го минуваат времето во карантин, а според извор близок до кралското семејство, одамна не поминале волку време заедно.

Обично, принцот е во куќата на имотот Sandringham, додека кралицата не може да ги напушти должностите во Бакингемската палата, па најчесто престојува таму. Сепак, изгледа пандемијата ги зближила како никогаш досега.

„Ова сигурно е најдолг период што го поминале под ист покрив после многу години. Но, ова им е можност да се поврзат во подоцнежните години од животот“, изјавил изворот.

Кралицата и принцот го намалиле бројот на вработени во замокот поради пандемијата, а речиси секогаш јадат заедно. Останатиот дел од времето секој си се занимавал со своите интереси.

Филип најмногу сака да чита, пишува и слика, а во април ја даде и својата прва изјава од пензионирањето, каде што им се заблагодари на медицинските лица и луѓето кои работат во време на пандемијата.

За кралицата веќе е познато дека јавањето коњи ѝ е омилено хоби, а покрај тоа си има и други кралски должности.

Кралскиот пар е заедно веќе седум децении и велат дека нивната тајна за среќен брак се различните карактери. Наводно, кралицата била поприбрана, додека Филип не премолчувал сè. Истовремено, и толеранцијата и трпеливоста биле дел од важните нешта што им помагаат.

А, според поранешниот секретар на кралицата, Филип бил единствениот човек во светот кој ја третирал кралицата како само едно човечко битие. Ова, нормално, ѝ било важно на Елизабета.

Прочитајте и Елизабета го избра најсиромашниот принц за сопруг - 17 факти за принцот Филип.

Најубавите фотографии од Филип и Елизабета низ годините:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело