„Среќната кукличка“: 3-годишно девојче со ретко нарушување не престанува да се смее

Детали

понеделник, 06 јули 2020

Медицинските лица ја нарекуваат „среќната кукличка“, но малата Меделин се соочува со многу сериозна ситуација.

Меделин од Тексас е 3-годишно девојче кое страда од генетското нарушување Angelman Syndrome, кое влијае врз нервниот систем и предизвикува физички и психички потешкотии.

Дел од нејзината состојба е што се смее постојано, таа едноставно не може да сопре.

Синдромот ѝ бил дијагностициран кога имала само 10 месеци.

Нејзината мајка Кира (38) вели: „Таа постојано се смее, единствено плаче кога има болка, но дури и тогаш ситуацијата е помеѓу смеење и плачење.“

Меделин е среќно и невино детенце кое се соочува со ваква сериозна состојба.

„Не знам што ѝ минува низ глава, но според изразот на нејзиното лице изгледа среќна“, вели мајка ѝ.

Таа дала отказ од работа за да се грижи за Меделин, а вели дека најтешко е што навечер Меделин спие само по 2, 3 часа и има напади.

Фотки од Меделин:

С. С. | Црнобело