„Син ми (5), игра видео игри по 6 часа на ден – но, барем е мирен и не морам да го набљудувам постојано“
- Детали
- петок, 01 јануари 2021
Минатата година предизвика бурни реакции кога се дозна дека таа се вози во прва класа, а децата ги праќа во економска, а сега инфлуенсерката Наоми повторно ги „разгоре“ фановите со нова изјава.
Наоми Истед е британска ТВ презентерка и моден инфлуенсер, има две деца, а нејзиното секојдневие го следат повеќе од 100.000 фанови на Инстаграм.
Заради нејзината работа, таа често патува, а со себе ги носи и своите 2 деца, но во 2019-та ја разбранува јавноста кога се дозна дека таа лета во прва класа, а нејзините деца ги праќа економска класа.
За оваа постапка, нејзиното објаснување беше дека ѝ е потребно време да се фокусира на работата и да си ги среди мислите додека патува, па затоа одбира прва класа.
Помеѓу другите причини заради кои патува во прва класа, таа додаде дека не треба да ги научи децата од мали на тоа и дека неа никој не ѝ дал ништо на тацна во животот.
Неодамна, 41-годишната мајка, повторно предизвика бурни реакции кај фановите со нова изјава поврзана со воспитувањето.
Наоми изјави дека нејзиниот 5-годишен син поминува по 6 часа во денот играјќи видео игри, а дека во карантинот ѝ потрошил околу 700 фунти купувајќи онлајн игри.
За својот син таа вели дека е зависник од технологија и дека сака да си игра на што и да фати во раце – од телефон до лаптоп, но според неа тоа е подобро отколку постојано да пази на него и да набљудува што прави.
„Ми треба да се занимава со нешто – кога игра на компјутер е безбеден и знам дека не трча по куќата со можност да падне и да се повреди. Исто така знам и дека ќе биде тивок, па кога сум на телефон нема да вреска или да се расправа со неговата 10-годишна сестра.
Но, дефинитивно неговото хоби не е поисплатливо од дадилка. Тој успеа да потроши 700 фунти на онлајн купување игри во само 8 недели за време на карантинот. Не знаеме како успева во тоа, ги имаме ставено сите можни контроли и сепак успева да нарача нешто.
Верувам дека многу родители ќе мислат дека сум луда, но не ми е грижа. Моите деца се побезбедни бидејќи ги знам сите апликации кои ги користат.“
Повеќе фотки од Наоми и семејството:
М. М. | Црнобело
Би можело да ве интересира:
Препорачуваме
Најчитани неделава
