Лажела дека има рак на „GoFundMe“, а собраните пари ги трошела на шопинг, коцкање и патувања

Детали

петок, 12 февруари 2021

Никол Елкабас (42) од Кент, позната како жената која лажеше дека има рак за да собере пари за лечење, беше осудена со затворска казна во времетраење од 2 години и 9 месеци.

Таа лажела дека боледува од рак на јајниците и преку „GoFundMe“ собирала средства за нејзиното „наводно лечење“. Никол успеала да собере 51.000 евра помош од околу 600 луѓе кои сакале да ѝ помогнат на оваа мајка на една ќеркичка.

Нејзината измама беше откриена и е прогласена за виновна од страна на судот во Кент. Парите кои ги собрала ги искористила за шопинг, патување во Барселона и Рим и обложување.

Таа, на страната на „GoFundMe“ имала објавена и лажна фотографија од болницата во која наводно се лекувала. Истата била направена после нејзина операција на жолчката.

Покрај фотографијата напишала опис дека има дијагноза рак на јајници и подлежи на агресивна хемотерапија. Обвинителството сето ова го наведе како „одвратна лага и манипулација“.

Во своја одбрана, Никол изјавила дека навистина верувала дека има рак.

Судијата Марк Викес, во пресудата изјавил дека ги лажела и манипулирала со луѓето: 
„Сте се коцкале, сте уживале во патувањата и во луксузи во Италија и Шпанија на туѓа сметка, додека сте фалсификувале детали и наводни докази за медицински третмани“.

На судењето, гинекологот на Никол, Хемфри Морис, изјавил дека никогаш не ѝ бил дијагностициран рак на јајниците.

Е. П. | Црнобело / фото: kentonline.co.uk