Не очекувала дека треба да се поклони пред кралицата, не гуглала за Хари - Дали навистина Меган Маркл влегла „неподготвена“ во кралското семејство?

Детали

вторник, 09 март 2021

Меган откри дека поранешната жена на принцот Ендру ја научила да се поклони пред кралицата, ја гуглала британската химна, а не истражвала ништо за никој од семејството – но, дали навистина влегла толку наивно во кралската улога, откриваат британските медиуми...

Во интервјуто кај Опра, Меган и Хари откриваат шокантни детали за животот во кралското семејство, притисокот кој го чувствувале од членовите, а и последиците кои произлегле од сето тоа.

Освен тајните за односот со членовите на кралското семејство и притисокот, Меган споделува и какво било нејзиното искуство на почетокот, што знаела, а што не знаела за нив пред да влезе.

Колку неподготвено влегла Меган во семејството, според нејзините тврдења во интервјуто, објавени во Daily Mail?

- Не растела со познавање на животот на кралското семејство и не знаела многу за нив

- Никогаш не го гуглала нејзиниот сопруг и никогаш не истражувала за никој од кралското семејство

- Влегла наивно во улогата до степен што не знаела за протоколите за средба со кралицата и се шокирала кога Хари ѝ кажал што треба да направи:

„Мислев дека поклонувањето е само за пред јавност, му кажав дека дека таа му е баба, зарем треба да се поклони, а тој ми одговори – но, таа е кралицата.“

- Немала никакви сознанија претходно за однесувањето во кралското семејство, бидејќи не добила никакво упатство иако има премногу правила, а филмовите не учат како треба да зборуваш, како да ги прекрстиш нозете и како да бидеш кралски член

- Неколку моменти пред да се сретне со кралицата, војвотката Сара Фергусон ја учела како да се поклони, бидејќи наводно не знаела дека ќе треба да го прави тоа

- Ја гуглала британската химна, бидејќи никој не си помислувал дека таа е Американка и нема да ја знае, но сепак не сакала да ги посрамоти

Сепак, не сите веруваат дека таа била баш толку неподготвена за влез во кралското семејство, а британските медиуми се обидуваат да го докажат тоа и да ги побијат нејзините теории, на укажувајќи на неколку претходни докази, како и изјави на нејзини блиски пријатели или познаници, кои се спротивни на она што го говори. 

Дали навистина Меган влегла толку наивно во кралската улога?

- Нинаки Приди, најдобрата пријателка на Меган од детството, има изјавено дека Меган отсекогаш била фасцинирана од кралското семејство:

„Имаше книга од принцезата Дијана на полица, а дури и додека беше со Тревор ми кажуваше дека сака да оди во Лондон, а гледаше и филмови поврзани со принцезата Дијана“.

- Меган има фотка пред Бакингемската палата со пријателката Нинаки, кога имала 15 години, во 1996-та, иако тврди дека не била фасцинирана од кралското семејство и не растела со познавања за нив

- Кралскиот автор Роберт Џобсон се сомнева во нејзината наивност:

„Уште на почетокот тврдеше дека немала идеја кој е принцот Хари. Сериозно ли?“

- Во интервју од 2019-та, Меган признава дека пријателите од Британија ја предупредиле за врската со Хари уште на почетокот и за целото кралско семејство

- Во интервјуто откри и дека била пријателка со принцезата Евгенија уште пред да го знае Хари, па тоа ѝ било олеснување, што значи сепак имала некакво познавање за семејството

Полусестрата на Меган, исто така излезе во медиумите со напад кон неа - прочитајте: „Депресијата ѝ е изговор“ – Полусестрата на Меган Маркл тврди дека таа кажува лаги во интервјуто со Опра

 М. М. | Црнобело