Јапонски град мета на критики – со финансиска помош за справување со пандемија си направиле огромна статуа од лигна (фото)

Детали

вторник, 11 мај 2021

Јапонскиот град Ното се најде на мета на критики, откако локалните власти искористиле дел од парите за финансиска поддршка за време на пандемијата за да направат огромна статуа од лигна.

Лигната е деликатес во рибарскиот град Ното, но скоро никој не се израдувал кога во близина на пристаништето на градат се појавила статуа од лигна, долга 13 метри. Според локалните власти, пак, статуа е туристичка атракција што ќе привлече повеќе туристи.

Исто како повеќе градови во Јапонија, и Ното доби финансиска помош од државата како дел од програма која сака да ја поттикне локалната економија среде пандемијата. Ното добил околу 7,3 милиони долари, а за статуата, која е висока четири метри, потрошиле околу 230.000 долари.

Јапонија се соочува со уште еден бран на пандемијата и иако во градот Ното немало голем број заразени, сепак забележале намалување на туризмот. Токму поради ова, локалните власти сметале дека лигната, како туристичка атракција, е добра инвестиција.

Но, локалните жители не се согласуваат со ова. Иако градот не бил обврзан да ги искористи парите директно за пандемијата, некои одат дотаму што велат дека тие пари мораат да се вратат.

Според коментарите на социјалните мрежи, повеќето луѓе се согласуваат дека тие пари е многу подобро да им се дадат на луѓето во најкритична положба поради пандемијата. Наводно, локалните власти почнале да ја прават статуата уште кон крајот на минатата година, а ја изложиле во градот во март годинава.

Спирова С. | Црнобело