Емотивно видео: Маратонец паднал 200m пред финишот, непознати тркачи го носат на раце за да стигне до крај
- Детали
- понеделник, 08 ноември 2021
На маратонот во Њујорк каде што натпреварувачите треба да истрчаат 42 километри, еден маратонец паднал на само 200 метри пред финишот, но двајца непознати тркачи го жртвувале нивниот резултат, па го фатиле за раце и му помогнале да ја заврши трката.
Викендов се одржа маратонот во Њујорк – настан кој секоја година привлекува бројни атлети не само од САД, туку од целиот свет.
Но, годинава фокусот не беше на трката, туку на добрина на неколку тркачи кои несебично му помогнаа на непознат натпреварувач да стигне до целта.
На само 200 метри пред финишот, маратонецот кој претходно истрчал околу 40 километри, изгледа повеќе не можел да издржи и паднал.
Додека повеќето натпреварувачи го одминале, двајца од нив застанале да му помогнат, а емотивниот момент е овековечен на видео.
Двајца натпреварувачи го држат изнемоштениот маратонец за раце и му помагаат да изоди до финишот, додека публиката ракоплеска. Зад нив застанува уште еден натпреварувач кој им помага да го придржат мажот.
Настанот го снимила девојка по име Енди Кент и го објавила на Инстаграм Стори и многу брзо почна вирално да се шири бидејќи ја враќа вербата во човештвото.
Во коментарите на објавата инстаграмџиите се восхитуваат на несебичната добрина на натпреварувачите, а една девојка вели дека сведочела на мигот:
„Бев таму! Го видов ова и заплакав! Беше нереално. Сите викавме ’Не е важно за колку време ќе истрчате! Тој е ваш брат! Кренете го! Ајде, ајде!‘ Најдобар миг од маратонот“.
Засега не е познат идентитетот на маратонците, но за нивната добрина сигурно ќе се зборува уште долго.
Спирова С. | Црнобело
Би можело да ве интересира:
Препорачуваме
Најчитани неделава
