Како во ковчег: Најсиромашните луѓе во Хонгконг живеат во соби од 2 m² (фото)

Детали

среда, 08 декември 2021

Нехумани живеалишта каде едвај може да се легне или застане, а тоалетот и кујната се на исто место – се изнајмуваат по цена од 235 евра. Фотограф ја доловува застрашувачката реалност на најсиромашните во Хонгконг...

За многумина чувството да се биде закопан жив е едно од најзастрашувачките, но за илјадници луѓе во Хонгконг тоа е секојдневие и реалност.

Тие живеат во соби од 2 m², кои изгледаат како ковчези.

Со огромна популација од 7.5 милиони на мал простор, во Хонгконг кириите и цените на становите растат до небо, па затоа некои луѓе од најсиромашните слоеви во оваа држава живеат во нехумани услови.

Сопствениците на голем простор го делат на мали и ситни единици, каде и кујната и тоалетот се речиси на едно место, и потоа ги изнајмуваат.

Само фотографиите од овие „станбени единици“ ќе направи да добиете чувство на гушење.

Иако просторот е премал и едвај можете да застанете, се изнајмува за околу 235 евра.

Фотографот Бени Лам во серијалот наречен „Trapped“ ги прикажува овие нехумани живеалишта.

Тој вели: „Единствената разлика помеѓу нас и нив се нивните домови. Ова е прашање на човеково достоинство.“

Како изгледаат овие живеалишта:

Прочитајте и Како во кафез: Луѓе во Јужна Кореја живеат во соби од 4 m² (фото)

С. С. | Црнобело