Која е првата дама на Украина - најголемата поддршка на претседателот на оваа држава во најтешките денови? (фото)

Детали

петок, 25 февруари 2022

Претседателот на Украина и прекрасната Олена Зеленска се во брак од 2003 година, имаат две деца, а тој не штеди на убави зборови и романтика кога станува збор за неговата сакана. Сега, кога Украина ги живее најтешките денови, таа му е најголемата поддршка на сопругот, но и на целиот народ преку пораки за смирување. Која е Олена Зеленска?

Олена Зеленска (44) е архитект, писател и прва дама на Украина. Нејзин сопруг е претседателот на Украина Володимир Зеленски (44).

Во декември 2019-та година Зеленска се најде и на листата на 100 најмоќни Украинци, на магазинот Focus.

Постојано е активна со разни иницијативи за подобрување на животот во Украина, а позната е и како дама со префинет моден стил.

Вчера (24.02) таа на својот Инстаграм профил напиша емотивна објава за охрабрување на Украинците, кои периодов ги живеат најтешките денови, поради нападот од Русија.

Објавата на првата дама на Украина:

„Мои драги луѓе! Украинци! Ве гледам сите денес. На телевизија, на улиците, на интернет. Ги гледам вашите објави и видеа. И знаете што? Вие сте неверојатни.

Горда сум што живеам во иста земја со вас. Велат дека многу луѓе е толпа. Но, тоа не важи за нас. Затоа што многу Украинци не се толпа. Тие се армија!

И денес нема да бидам испаничена и во солзи. Ќе бидам смирена и самоуверена. Моите деца гледаат во мене. Ќе бидам веднаш до нив. Ќе бидам веднаш до мојот сопруг. И до вас.

Ве сакам! Ја сакам Украина!“

Олена и Володимир Зеленски се состанувале 8 години пред да се венчаат во 2003 година. Парот има две деца, во 2004 година им се родила ќерката, а во 2013 синот.

На 6-ти февруари претседателот на Украина ја покажа својата романтична страна и по повод роденденот на неговата сакана објави фотографија од неа и во описот напиша: „На мојата љубов денес ѝ е роденден“ и дополни со низа зборови полни емоции за неа, за тоа колку ја сака, какво разбирање имаат еден за друг и како не може да си го замисли животот без неа.

Емотивни семејни фотографии од Инстаграм профилот на претседателот на Украина на следната страна....