Англичанка со белег на лицето собира пари за третман за отстранување: „Ме малтретираа на училиште, сега спијам со пудра“

Детали

четврток, 24 март 2022

Емили од Англија има белег што покрива речиси половина од нејзиното лице, а поради малтретирањето што го трпела на училиште, нејзината самодоверба е срушена, па одбива да му го покаже лицето без шминка на вереникот и спие со пудра.

Емили Халет од Англија е родена со голем белег на нејзиното лице. 33-годишната жена вели дека била толку исмејувана на училиште, што ѝ се срушила целата самодоверба, па сега ѝ е страв да му го покаже лицето дури и на вереникот и си легнува со пудра со цел да го покрие белегот.

Белегот на Емили покрива речиси половина од нејзиното лице и речиси целиот живот таа го крие под слој дебела пудра, дури и пред нејзиниот вереник.

Младата жена и вереникот Адам се заедно пет години, но таа никако не дозволува тој да ја види без шминка. Емили оди до тој степен што си легнува со пудра и се буди рано наутро за да се нашминка пред да се разбуди Адам.

„Вереникот ме нема видено без пудра. Знае дека го имам белегот бидејќи се познава и под шминката, но јас го мразам, мислам дека е одвратен.

Воопшто не ја бришам шминката и постојано додавам слој во текот на денот. Откако ќе се истуширам навечер, си ставам пудра пред спиење. Наутро станувам прва за да се нашминкам“.

„Кога се запознавме со Адам, навистина сакав да му бидам привлечна, па му реков дека не сакам да зборувам за белегот и го замолив и тој да не зборува за тоа“.

Наводно, белегот на Емили настанува кога капиларите на лицето стануваат многу широки, поради што ја менуваат нијансата на кожата.

Емили го има белегот од раѓање, а вели дека ѝ претставувал сериозен проблем на училиште.

Врсниците толку многу ја малтретирале, што таа морала да го промени училиштето. Во новата средина, пак, ѝ било тешко да си најде нови пријатели поради срушената самодоверба.

„Ми викаа сешто, гледа во мене и ми измислуваа прекари. Најмногу ме малтретира момчињата. Сето ова имаше големо влијание врз мене. Немав многу пријатели. Не сакав да зборувам со луѓето бидејќи не знаев што ќе помислат за мене“.

Емили почнала да го крие белегот со пудра на 18-годишна возраст бидејќи почнала да се грижи дека никогаш нема да си најде момче.

„Не ја открив моќта на шминката додека не наполнив 18 години. Никогаш не мислев дека ќе си најдам момче, но шминката малку ми ја врати самодовербата. Оттогаш постојано го кријам белегот со пудра“.

„Многу луѓе што не ги познавам ме прашуваат дали сум имала изгореници или што сум му направила на лицето. Некогаш, пак, кога ќе забележам дека некој маж гледа во мене, прво си мислам дека сум му привлечна, но потоа ми станува јасно дека гледа во мојот белег“.

Сега, младата жена пробува да собере пари за ласерски третман со кој се надева дека ќе го спречи проширувањето на белегот.

„Со возраста белегот стана малку поголем и потемен. Некогаш потемнува поради хормоналните промени. И менопаузата може да предизвика промени. Постојано мислам на тоа.

Ласерскиот третман ќе го намали и ќе ја спречи промената на текстурата, а тоа е мојот најголем страв. Третманот би требало да помогне и со црвенилото“.

Еден ласерски третман чини околу 700 евра, а Емили треба да направи осум за да забележи разлика.

Спирова С. | Црнобело