Во Шпанија се планира жените да добијат 3 дена менструално отсуство од работа

Шпанските власти работат на закон според кој жените кои имаат многу силни менструални болки ќе можат да земат 3-дневно боледување. Боледувањето ќе можат да го земат со потврда од лекар.

shpanija-planira-da-im-dozvoli-na-zhenite-so-mnogu-silni-menstrualni-bolki-da-zemat-3-dnevno-boleduvanje-01.jpg

Само жените со болни менструации знаат колку тешки можат да бидат овие неколку денови од месецот.

Покрај променливото расположение и крвавењето кое може да биде навистина обилно, овде се и болките кои за некои жени се неподносливи и не им дозволуваат да мрднат од кревет.

Факт е дека некогаш луѓето, посебно мажите, не разбираат каков предизвик може да биде менструацијата за некои жени, но изгледа ова почнува да се менува.

shpanija-planira-da-im-dozvoli-na-zhenite-so-mnogu-silni-menstrualni-bolki-da-zemat-3-dnevno-boleduvanje-02.jpg

Имено, во Шпанија се работи на закон кој ќе им дозволи на жените со многу силни менструални болки да земат боледување од работа.

Овие жени ќе можат да земат 3-дневно боледување еднаш месечно, а доколку има потреба, може да се продолжи и до пет дена.

Според ВВС, шпанските медиуми дознале дека властите работат на ваков закон од нивни извори, а потоа политичарите потврдиле, но истакнале дека законот уште е во фаза на изработка и уште не се знае дали ќе стапи на сила.

Според она што го дознале медиумите, жените ќе можат да го искористат боледувањето со потврда од лекар.

Истовремено, се истакнува дека боледувањето ќе важи само за жени со навистина интензивни болки кои им претставуваат проблем за извршувањето на работата и секојдневните обврски.

shpanija-planira-da-im-dozvoli-na-zhenite-so-mnogu-silni-menstrualni-bolki-da-zemat-3-dnevno-boleduvanje-04.jpg

Доколку законот стапи на сила, ќе биде прв од овој тип во Европа. Ваков закон има во многу малку држави ширум светот, вклучувајќи ги Јапонија, Индонезија и Јужна Кореја.

BBC пренесува дека овој закон е дел од нов пристап на шпанските власти според кој менструацијата ќе се третира како здравствена состојба.

Во негов склоп, има план да се отстрани данокот на продуктите за менструација, како влошки и тампони, но и да се обезбедат бесплатни продукти во училишта и затвори.

Што мислите, дали и кај нас е потребен некој ваков закон?

Спирова С. | Црнобело

Би можело да ве интересира:

Украинка (30) гордо ја носи седата коса долга 1,5 метри: „Ја мијам еднаш неделно, некогаш не ја чешл... Ана има 30 години и коса која почнала да ѝ побелува на само 13-годишна возраст. ...
Требало да се жени наскоро, поради саканата отишол во Австралија: Кој беше човекот што почина во нап... Заради љубовта се преселил во Сиднеј и работел како инструктор за нуркање. Кој б...
Се вљубила во поранешниот сопруг на прв поглед, а по разводот е меѓу најбогатите жени во Британија –... „Во Црвен крст донираше ваучер за дизјанерска облека и дизјанерски очила, а пред...

Најчитани неделава

sonovnik-sidebar.jpg