Меган и Хари се присутни, но се кријат додека кралското семејство го прославува јубилејот на кралицата Елизабета (фото)

Детали

петок, 03 јуни 2022

Деновиве во Англија се организирани многу настани по повод 70-тата годишнина од владеењето на кралицата Елизабета. Меѓу присутните на важните настани се и Меган и Хари, но додека останатите членови на семејството гордо мавтаат и позираат на парадата и балконот, тие се кријат во палатата и следат од прозорец.

Кралицата Елизабета слави 70 години на тронот, а деновиве во Англија се одржуваат бројни прослави во нејзина чест.

Главниот настан е закажан за недела, 05-ти јуни, а едно од поважните случувања беше парадата на кралското семејство низ Лондон, како и симболичното палење на факелот од страна на кралицата.

Додека траеше кралската парада, дефинитивно најмногу внимание привлекоа децата на Вилијам и Кејт со нивното слатко однесување.

Прочитајте повеќе: Принцезата Шарлот (7) го кара помалото братче Луи (4) да не мавта толку силно – слатко видео од кралските деца

Но, вниманието на јавноста го привлече и друг момент – присуството на Меган и Хари.

По повеќе од две години, принцот Хари и Меган Маркл беа во присуство на кралското семејство, но додека траеше парадата, како да пробуваа да се скријат и да не привлечат многу внимание.

Бидејќи парот се откажа од кралските должности, тие не беа дел од парадата, туку ја следеа од Бакингемската палата.

Според изворите, Меган и Хари навистина сакале да привлечат што е можно помалку внимание бидејќи овие неколку денови се во чест на кралицата Елизабета.

Главниот момент од парадата е појавувањето на кралското семејство на препознатливиот балкон на палатата, но Хари и Меган се држеа понастрана и за овој миг.

Иако ова е знак дека Меган и Хари ги подобриле односите со кралицата, многумина сметаат дека кралското семејство си ја нарушува репутацијата со овој гест. Според анкета од британски медиум, Британците сметаат дека Меган и Хари воопшто не треба да присуствуваат на големата прослава.

По завршувањето на парадата, кралицата симболично запали еден од 3.500 „факли“ кои се палат во нејзина чест. Овие факли се распоредени низ цела Британија и почнуваат да се палат откако кралицата ќе го запали нејзиниот.

Додека порано можеби се користеле вистински факли, сега церемонијата е помодерна, па кралицата всушност запали многу светилки, а целиот миг изгледаше навистина волшебно.

Откако таа го запали „факелот“ во замокот Виндзор, нејзиниот внук, принцот Вилијам, го запали вториот во Бакингемската палата.

„Факелот“ на Вилијам е всушност огромна скулптура во форма на дрво украсена со многу фенери.

Во Лондон имаше уште еден модерен, односно виртуелен факел – на видеобим на плоштадот Piccadilly Circus беше пуштена снимка од факел.

Огнови се палеа и во Единбург и Ливерпул, а дури и во Сиднеј Австралија, имаше настан со слична симболика.

Додека траеше симболичното палење на „факлите“, односно светилките, на Бакингемската палата беа проектирани фотографии од кралицата – од нејзината младост, па сè до денес.

Во сабота ќе се одржи и забава по повод Јубилејот на која ќе присуствуваат многу познати личности, како Дејвид и Викторија Бекам.

Наводно, и Ким Кардашијан побарала дозвола за присуство. Таа била убедена дека ќе може да присуствува на забавата, па веќе е во Англија со момчето Пит Дејвидсон, но изворите откриваат дека барањето ѝ било одбиено.

Како што веќе спомнавме, главниот настан е закажан за оваа недела, а дотогаш погледнете повеќе фотки од вчерашните случувања:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело