Ги смее сите без да изговори збор, од сиромаштија стигна до популарност - Најследениот тиктокер Каби Ламе откри во што е тајната

Детали

петок, 01 јули 2022

Момчето што се прослави на социјалните мрежи така што ги исмева популарните видеа со трикови, Каби Ламе ги исполни предвидувањата и стана инфлуенсер со најголем број следбеници на ТикТок и ги надмина Џанлука Ваки и Чарли Д'Амелио, а сонува еден ден да сними филм со Вил Смит.

Каби Ламе (22) кој потекнува од Сенегал, а во моментов живее во Италија. во моментов има над 142.7 милиони следбеници и ja надмина Чарли Д'Амелио од САД којa има 142,3 милиони.

Сепак, иако има поголем број следбеници, Каби според Forbes заработува околу 5 милиони долари, што е значително помалку во споредба со Чарли која добива околу 17,5 милиони долари од ТикТок.

Препознатлив по неговите видеа во кои ги исмева популарните трикови на социјалните мрежи, Каби ретко имаме можност да го слушнеме како говори, а ако сте се прашувале како звучи неговиот глас, тогаш имате можност да откриете во ова кратко видео.

@awakenignite Hard work pays?#khabylame #viral #funny #short #success #hardwork #youtube #fyp #foryou #foryoupage ♬ original sound - ꋬꅐꋬꀘꏂꂚ ꒐ꍌꂚ꒐꓄ꏂ

Тој во видеото раскажуваше за тоа дека упорноста се исплати и како во првиот месец кога почнал да ги објавува видеата имал само 9 прегледи и двајца претплатници.

Кабе неодамна откри зошто одлучил во неговите видеа да нема говор, туку да завршуваат само со препознатливото одмавнување со главата:

„Ја добив идејата откако ги видов видеата што кружеа на социјалните мрежи и сакав да покажам дека нештата може да бидат многу поедноставни. Одмавнувањето со главата ми дојде сосема случајно, но тоа што не говорам е намерно, затоа што на тој начин можам да допрам до колку е можно повеќе луѓе“ – рече Каби.

Инаку, Каби како дете се преселил во Италија заедно со неговите родители, а откако за време на пандемијата добил отказ од фабриката за дигитална опрема каде работел, одлучил да почне да објавува кратки видеа.

Негов животен сон е еден ден да игра во филм заедно со Вил Смит, но имајќи го предвид инцидентот што се случи на годинешното доделување на Оскарите, најверојатно младиот инфлуенсер ќе треба да почека подолг период за да го оствари сонот.

Прочитајте и Од сиромаштија до најголема ТикТок ѕвезда – кој е Каби Ламе, момчето кое ги исмева бесмислените популарни трикови?

Погледнете повеќе негови видеа во продолжение:

https://www.youtube.com/watch?v=e23pW_0BPo0

https://www.youtube.com/watch?v=MHy0VK8Cwck

 Б. С. Б. | Црнобело