Во Грција забележани 50 пожари во еден ден – туристите и локалците споделуваат морничави фотографии и видеа

Детали

понеделник, 18 јули 2022

Во само еден ден, во Грција биле забележани 50 нови пожари низ земјата, вклучувајќи и познати туристички дестинации како островите Крф и Крит.

Топлотниот бран што ја зафати Европа е причина за бројни пожари во неколку европски држави, вклучувајќи ја и Грција.

Според BBC, во нашиот јужен сосед имало пет области кои се изложени на огромен ризик, а во дел од нив, како централниот дел на земјата веќе има големи пожари. Пред ден-два, во рок од само 24 часа биле забележани дури 50 нови пожари.

Додека дел од пожарите биле смирени, некои медиуми пренесуваат дека постои опасност повторно да настанат нови.

Зафатени се и туристички места, особено на островите Крит и Крф, каде што пожарникарите морале да евакуираат и туристи.

Според Greek Reporter, на повеќето места каде што има пожар, има и силни ветришта кои дополнително ја влошуваат ситуацијата и им ја отежнуваат работата на пожарникарите.

На Твитер веќе се споделуваат фотографии и видеа од пожарите направени од локалците и туристите.

Дел од нив во продолжение: 

Спирова С. | Црнобело