Пар доби близначиња со различна боја на кожата: „Луѓето не ни веруваат дека се близнаци“

Шантел и Ештон од Англија имаат родители од различни раси, па добиле близнаци со различна боја на кожата. Наводно, ова се случува само кај 1 од 500 парови со мешана раса.

par-od-anglija-dobil-bliznachinja-so-razlichna-boja-na-kozhata-lugjeto-ne-ni-veruvaat-deka-se-bliznaci-01.jpg

Шантел Бротон од Англија има татко белец, додека нејзината мајка потекнува од Нигерија. Нејзиниот партнер Ештон има потекло и од Јамајка и од Шкотска.

Нивните близнаци, пак, се одличен пример за непредвидливоста на гените – тие имаат различна боја на кожата.

Шантел гостуваше во британското телевизиско шоу Good Morning Britain каде што откри дека таа и партнерот не биле шокирани кога се родиле нивните деца во април. Имено, дечињата имале речиси иста боја на кожата.

par-od-anglija-dobil-bliznachinja-so-razlichna-boja-na-kozhata-lugjeto-ne-ni-veruvaat-deka-se-bliznaci-02.jpg

Сепак, со текот на времето Шантел забележала дека кожата на едното дете кожата му станува потемна. Исто така, близначињата имаат и различни бои на очите – едното има кафени, а другото зелени.

par-od-anglija-dobil-bliznachinja-so-razlichna-boja-na-kozhata-lugjeto-ne-ni-veruvaat-deka-se-bliznaci-06.jpg

Шантел вели дека таа и партнерот се пријатно изненадени од ова, но многу пошокирани се луѓето кои ги сретнуваат на улица бидејќи ретко кој видел близнаци со различна боја на кожата.

„Луѓето секогаш застануваат бидејќи изгледа сите сакаат близнаци. А, кога ќе ја забележат разликата ни велат: ’Дали навистина се близнаци? Едното има темна, а другото светла кожа. Тоа е многу необично, никогаш не сум видел нешто такво‘“.

par-od-anglija-dobil-bliznachinja-so-razlichna-boja-na-kozhata-lugjeto-ne-ni-veruvaat-deka-se-bliznaci-05.jpg

Шантел гостуваше и во друго шоу, каде што лекарот Амир Кан објасни зошто некои близначиња се раѓаат со различна боја на кожата.

„Во овој случај има два сперматозоида кои оплодиле две јајцеклетки. Бојата на кожата ја сочинуваат околу 20 различни гени, па комбинациите се случајни.

Она што се наоѓа во еден сперматозоид не е истото што се наоѓа во друг, а ова важи и за јајцеклетките. Па, еден сет гени оплодуваат една јајце клетка, а друг сет – друга.

Поради ова, едното дете ќе има посветла кожа, а другото потемна кожа, како и потемни очи и коса“.

par-od-anglija-dobil-bliznachinja-so-razlichna-boja-na-kozhata-lugjeto-ne-ni-veruvaat-deka-se-bliznaci-03.jpg

„Ова е потполна случајност и вистинска реткост – околу еден од 500 парови со мешана раса добиваат близнаци со различна боја на кожата“.

par-od-anglija-dobil-bliznachinja-so-razlichna-boja-na-kozhata-lugjeto-ne-ni-veruvaat-deka-se-bliznaci-07.jpg

Лекарот истакнува дека денес има повеќе мешани парови, па оваа појава станува почеста.

par-od-anglija-dobil-bliznachinja-so-razlichna-boja-na-kozhata-lugjeto-ne-ni-veruvaat-deka-se-bliznaci-04.jpg

Лекарот вели и дека бидејќи бројот на вакви близнаци е мал и не се направени многу истражувања во врска со нивната генетика.

Спирова С. | Црнобело

Би можело да ве интересира:

Девојка (23) и нејзиниот партнер (63) ја разбрануваа јавноста: „Ме разгалува со скапи подароци, сите... Вилоу (23) и нејзиниот партнер (63) се соочуваат со многу критики поради нивната...
90-годишна бабичка е „зависник“ од адреналин – 2 пати скокнала од авион со падобран: „Имаме само еде... 90-годишната Мерси Багс од Англија првпат скокнала од авион на 77-годишна возрас...
Англичанка (57) била украдена од мајка ѝ и однесена во Нов Зеланд - по 53 години успеала да си го н... Сузан (57) од Англија била украдена од пар од Шкотска пред 53 години. Иако звучи...

Најчитани неделава

sonovnik-sidebar.jpg