Хари и Вилијам обединети во тагата за баба им - Зошто никој не верува дека примирјето ќе потрае?

Детали

среда, 14 септември 2022

Хари и Вилијам со сопругите повторно сплотени по смртта на нивната баба Елизабета која секогаш се бореше за нивниот однос, но до кога? Колумнистка направи анализа и открива зошто смета дека професионалниот бунтовник Хари нема да престане додека во целост не ја разруши монархијата.

Откако минатиот викенд заедно се појавија пред Виндзорската палата за да ги погледнат цвеќињата оставени од ожалостената нација по смртта на кралицата Елизабета Втора, Меган и Хари со Кејт и Вилијам синоќа (13.09.) повторно заедно дојдоа во Бакингемската палата каде што го пречекаа ковчегот со останките, а потоа имаше и бдеење.

Пред влегувањето во палатата, внуците на Елизабета беа фотографирани во автомобилот, а на нивните лица беше видлив тажниот израз.

На скалите од палатата тие им се придружија на кралот Чарлс Трети и неговата сопруга Камила, како и на другите членови од потесното семејство.

Очигледно е дека браќата во моментите на жалост одлучија да ги остават настрана разликите и да бидат заедно во тешките мигови по загубата на новната баба, а во изминатите денови се огласи и познатата ТВ водителка Опра Винфри која рече дека се надева дека ова примирје ќе потрае.

Од друга страна, пак, колумнистката на Daily Mail, Меган Мекејн направи детална анализа зошто смета дека ова е само затишје пред бура и зошто смета дека професионалниот бунтовник Хари нема да престане додека во целост не ја разруши монархијата.

„На Меган воопшто не ѝ пречи да ја разруши монархијата. Зошто? Затоа што Хари и Меган мислат само на бизнисот на Хари и Меган.

Кога креираат хаос, бизнисот им цвета. Затоа што овие професионални бунтовници ги направија своите избори.

Откако си заминаа, тие повеќе не се дел од кралското семејство и го направија својот избор.

Сакаат да бидат славни во Америка, сакаат да заработуваат пари од поткастови и договори за стриминг и не сакаат да бидат на второ место. Дa бидам директна – Тие сакаат да бидат кралот Хари и кралицата Меган“ – пишува таа.

Според неа, најголемиот проблем е во тоа што Хари е петти по ред престолонаследник, по децата на Вилијам, а дури по него доаѓаат Арчи и Лилбет, кои добија титули дури по смртта на Елизабета Втора.

Дополнително, Хари и Меган се свесни дека многу повеќе пари може да заработат надвор од кралското семејство, додека велат дека се отуѓени и жртви.

Дали оваа колумнистка е во право и дали навистина Меган и Хари ќе останат отуѓени по сите настани ќе покаже само времето.

Сега за сега се знае дека Хари ја одложи својата книга мемоари, а веќе е најавено дека тој заедно со Вилијам и татко му Чарлс ќе ја предводат поворката за време на погребот на кралицата.

Прочитајте и Конечно заедно: Принцот Хари и Меган Маркл со Вилијам и Кејт заедно ѝ оддаваат почит на кралицата (фото)

Б. С. Б. | Црнобело